Македонско Литературно Друштво „Григор Прличев“

27.03.2017 година

Отворено писмо до:
Ѓорѓе Иванов, претседател на Република Македонија;
Никола Груевски, лидерот на ВМРО-ДПМНЕ;
Зоран Заев, лидерот на СДСМ.


„Ништожник е оној кој има подобар пријател од Татковината“
Сафоколе

Почитувани,
Ви пишуваме во име на членовите на Литературното друштво „Григор Прличев“ од Сиднеј, а го искажуваме мислењето и барањето на Македонците од Австралија. Во нашата асоцијација членуваат повеќе од 350 лица, истата постои 39 години и активно е вклучена во зачувувањето, одгледувањето и промовирањето на македонскиот јазик и литераура.

 

 

 

Жаклина Михајлова - добитник на највисоката награда во 2017

21.03.2017 година

Учителката, м-р Жаклина Михајлова, е добитник на највисоката награда за едукатор и промотор на наставата по јазици во НЈВ, Австралија за 2017 година. Асоцијацијата за модерни јазици на НЈВ, ѝ ја додели оваа Награда на Госпоѓа Михајлова за нејзиното доброволно ангажирање на национално ниво за афирмација и промоција на наставата по јазици.

 

 

 

МАКЕДОНИЈА НЕ ТЕ ЗАБОРАВАМЕ ОД ИВАН ТРПОСКИ

28.02.2017 година

Во Сиднеј промовирана книгата
МАКЕДОНИЈА НЕ ТЕ ЗАБОРАВАМЕ ОД ИВАН ТРПОСКИ
Минатиот петок, 24 февруари во просториите на Центарот за емигранти во регионот Рогдаел (предградие на Сиднеј) во преполнетата просторија се промовира најновото дело на поетот и писател Иван Трпоски. Книгата „Македонија-не те забораваме“ во издание на Литературното друштво „Григор Прличев“ се состои од збирка на журналистички написи издавани од овој плодоносен автор кој за последните 35 години истити ги објавувал во македонскиот печат во Австралија и Македонија. Книгата минатата година беше промовирана во Скопје од Фиданка Танаскова и Марјан Велевски, а во Охрид од Милчо Јованоски.

 

 

 

СВЕЧЕНО ОТВОРАЊЕ НА ЛИТЕРАТУРНОТО ДРУШТВО „ВАНЧО НИКОЛЕСКИ“

31.01.2017 година

Во Квимбијан

На 14 јануари 2017 година во просториите на црковната сала Св. Пророк Илија, во населбата Квимбијан, која е сместена веднаш до австралиската престолнина Канбера, се одржа свеченото отворање на Македонското литературно друштво и библиотеката кои го носи името на македонскиот детски песник и раскажувач Ванчо Николески. Уште во почетокот убаво е да напоменеме дека иницијатори за отворање на ова друштво се господата Наум Трајчески и Наум Пауноски, кои потекнуваат од охридските села Издеглавје и Куратица.

 

 

 

Отворање на Македонското литературно друштво и библиотеката

26.01.2017 година

На 14 јануари годинава во просториите на црковната сала Св. Пророк Илија, во населбата Квимбијан, која е сместена веднаш до австралиската престолнина Канбера, се одржа свеченото отворање на Македонското литературно друштво и библиотеката кои го носи името на македонскиот детски песник и раскажувач Ванчо Николески.
Уште во почетокот убаво е да напоменеме дека иницијатори за отворање на ова друштво се господата Наум Трајчески и Наум Пауноски, кои потекнуваат од охридските села Издеглавје и Куратица.


 

 

 

НАГРАДИ ЗА ГЛУМА АЛЕКСАНДАР МАКЕДОНСКИ ЗА 2016

20.12.2016 година

Во Сиднеј традиционална Гала Вечер:
НАГРАДИ ЗА ГЛУМА АЛЕКСАНДАР МАКЕДОНСКИ ЗА 2016

Минатата сабота, 17 декември во просториите на Civic Theatre во Хрствил (предградие на Сиднеј) се одржа Гала вечер посветена на театарската уметност при што се доделија престижните награди Александар Македонски. Гала вечерта официјално ја отвори амбасадорот на Република Македонија во Австралија, неговата екселенција Веле Трпевски. За најдобра актерка прогласена Валентина Апостоловска, а за најдобар актер Васко Србиновски.

Во еден убав на високо ниво амбиент и богата програма Австралиско македонскиот театар од Сиднеј по втор пат ја организира својата традиционална Гала вечер при што за присутните приреди забава, драмски изведби и го возвиши името на Александар Македонски со доделувањето на награди за глума и сценска уметност.

 

 

 

СООПШТЕНИЕ

19.12.2016 година


Австралиско македонскиот театар од Сиднеј во сабота 17 декември со почеток во 19 часот во просториите на Hurstville Civic Theatre, MacMahon Street, Hurstville ја организира традиционалната Гала вечер при што ќе се доделат награди за глума и театарска уметност под име Александар Македонски.
Наградите се поделени во следните категории, и тоа: Награда за најдобар дебитант; Награда за најдобра женска придружна улога; Награда за најдобра машка придружна улога; Награда за најдобра женска улога; Награда за најдобра машка улога; Награда по избор на публиката како и Награда за животно дело. Наградата Александар Македонски исто ќе им се додели и на индивидуалци и организации кои ја негуваат и промовираат македонската култура во Австралија.

 

 

 

Дедо Мраз, пак пристигна кај нас!

06.12.2016 година

Дедо Мраз, пак пристигна кај нас!
Со санка голема
и кенгури во прег,
ни пристигна тој,
иако нема снег...
Ѕвончиња, ѕвончиња
ѕвонат по цел пат,
еве го и Дедо Мраз
доаѓа кај нас ...
Во Сиднеј, се одржа традиционалниот годишен концерт за децата кои го изучуваат македонскиот јазик во училиштата во Нов Јужен Велс. Пред полна сала посетители, учениците пееја,играа и покажаа дел од знаењето што го научија на часовите по македонски јазик во текот на годината.
Масовно посетениот настан и оваа година го организираше Македонскиот просветно училишен одбор за НЈВ, а на него настапија училиштата во кои се изучува македонскиот јазик.