<< Предходни 1 2 3 4 5 Следни >>

Подршка на иницијативата “За заедничка Македонија”

27.03.2017 година

од Виндзор, Канада
Македонците од Македонската православна црква “Свети Никола” од Виндзор, Канада како нераскинлив дел од Македонскиот народ иако одалечени од својата татковина ја изразуваат својата загриженост за настанатата политичка и институционална криза во Македонија и во потполност ја подржуваат иницијативата за зачувување на унитарниот и суверен карактер на нашата држава. Тие остро ја осудуваат таканаречената “Тиранска платформа”.

 

 

 

ПОДАРОК ОД 3.000 КАНАДСКИ ДОЛАРИ ОД ФОНДАЦИЈАТА „БРАЌА ЏИДРОВИ“ ЗА НАЈБРОЈНИТЕ МАКЕДОНСКИ СЕМЕЈСТВА

20.02.2017 година

На 17февруари оваа година, Фондацијата „БраќаЏидрови“ која е посветена на трите браќа Димитар, Стево и Харила од село Загоричани, Костурско, кои своите животи ги дадоја за Егејска Македонија и беа жртви во Граѓанската војна во Грција, ја одбележа својата втора година од постоењето. Основач на Фондацијата е нивниот брат, д-р Лефтер Џидров-Манче од Отава, Канада, кој е светски естетски хирург и еден од најистакнатите донатори во македонската дијаспора и вљубеник во Македонија, чиј добротворни дела се познати меѓу Македонците во сите делови на Македонија и во дијаспората.

 

 

 

Светско Првенство во пливање

06.12.2016 година

Вечерва во Виндзор, Канада во импозантната сала “Колосеум” се одржа свеченото отварање на 13то Светско Првенство во пливање во 25 метарски базен, кое се одржува од 6 до 11 Декември, 2016. На ова првенство земаат учество повеќе од 1000 пливачи од 176 држави. Македонија е застапена со досега најмногобројна репрезентација од било кое предходно светско или олимписко натрпреварување. Репрезантацијата ја сочинуваат пливачите Анастасија Богдановски, Горазд Чепишевски, Дамјан Петровски, Марко Блажевски и Љупчо Ангеловски и е предводена од тренерите Методија Ангелески, Горан Стаменов и Боро Блажевски кој е воедно и водач на екипата.
Македонската заедница од Виндзор организирана околу Македонската

 

 

 

ИЗВЕСТУВАЊЕ

21.10.2016 година

Од денот на распишувањето на изборите до завршување на јавниот увид, државјаните на Република Македонија кои се на привремена работа или престој во странство можат да достават Пријава за гласање, своерачно потпишана или испратена по електронска пошта со која се пријавуваат за гласање на предвремените избори за пратеници во Собранието на Република Македонија до ДИК (член 50-а став 8 во врска со член 15 став 2).

Образецот –пријава за гласање, како и сите други информации во врска со гласањето може да ги најдете на интернет страната на ДИК односно на линкот

http://www.sec.mk/predvremeni-izbori-za-pratenici-2016/

 

 

 

ИЗВЕСТУВАЊЕ

19.10.2016 година

1.Ве известуваме дека Претседателот на Собранието на Република Македонија распиша предвремени избори за пратеници во Собранието на Република Македонија кои ќе се одржат на 11 декември 2016 година.
Во Дипломатско Конзуларните претставништва (ДКП) на Република Македонија во странство, гласањето ќе се одржи на 10 декември (сабота) 2016 година, согласно со сметањето на времето во соодветната земја.


2. Сите државјани на Република Македонија кои се на привремена работа или престој во странство се запишуваат во посебен Избирачки список. . Овие лица се запишуваат според нивното последно живеалиште во Република Македонија пред заминувањето во странство (член 41 став 5 од Изборниот законик-Сл.весник на РМ бр. 54/2011).

3. Државната изборна комисија преку Министерството за надворешни работи ги доставува до ДКП посебните изводи од Избирачкиот список за лицата на привремена работа или престој во странство врз основа на евиденција од надлежен орган, за ставање на јавен увид (член 49 став 2, во врска со член 15 став 2 од Изборниот законик).
Јавниот увид во посебниот избирачки список во ДКП започнува на 28 октомври и ќе трае до 11 ноември 2016 година до 24.00 часот.

4. Барањето за запишување, дополнување или бришење на податоците во посебните изводи од Избирачкиот список (член 50-а став 6 во врска со член 15 став 2 од Изборниот законик), за време на јавниот увид, државјаните на република Македонија кои се на привремена работа или престој во странство го поднесуваат по електронска пошта до ДИК, од 28 октомври до 11 ноември 2016 година, до 24,00 часот.
Барањето може да се поднесе во периодот од 28 октомври до 11 ноември 2016 година.

5. Од денот на распишувањето на изборите до завршување на јавниот увид, државјаните на Република Македонија кои се на привремена работа или престој во странство можат да достават Пријава за гласање, своерачно потпишана или испратена по електронска пошта со која се пријавуваат за гласање на предвремените избори за пратеници во Собранието на Република Македонија (член 50-а став 8 во врска со член 15 став 2).
Пријавата за гласање може да се поднесе во периодот од 18 октомври до 11 ноември 2016 година, до 24,00 часот.

 

 

 

24 по ред Тетовска Вечер во Торонто.

01.03.2016 година

28 февруари
На 27 февруари, 2016 се одржа традиционалната 24 по ред Тетовска Вечер во Канада, вечер на сите Македонци од под Шара, но и на нивните пријатели, соседи и соработници.
Банкетот се одржа во прекрасниот амбиент на Capitol Banquet Hall, како и секоја година во преполна сала започнувајќи со звуците на песната ,,Се навали Шар планина,, која е химна на Тетовчани од Канада, а машкото широко оро ја симболизираше македонската традиција, непокор и сплотеност.
Според некои сознанија во Торонто и околината живеат повеќе од 100 тетовски семејства.

 

 

 

Македонски селски и околиски социјално-културни братства во Канада од ( 1905 -1935 )

28.12.2015 година

ОД АКТИВНОСТИТЕ НА МАКЕДОНЦИТЕ НАДВОР ОД ЦРКОВНИТЕ ОПШТИНИ
Според делото „Македонците во САД и во Канада“ од авторот на овие редови, првите организирани спомагателни братства во Канада се братствата од селата од егејскиот дел на Македонија и тоа: Ошчима, Баница, Смрдеш, Д'мбени, Буф и Трсје. Овие брат¬ства биле формирани во годините 1905-1907, а по 1910 година дошло до масовно организирање на македонски селски спомагателни друштва. До Втората свет¬ска војна, основата на македонските селски друштва ја чинеле братствата од Егеј¬ска Македонија, а по шеесеттите години од минатиот век и од Република Македонија.

 

 

 

ПРОСЛАВЕН ПАТРОНИОТ ДЕН НА МПЦ „СВ.КЛИМЕНТ ОХРИДСКИ“ ОД ТОРОНТО

15.12.2015 година

На 5-ти декември 2015 година, Македонската православна катедрална црква „Св.Климент Охридски“ од Торонто, Канада, традиционално ја прослави црковната слава и патрониот ден на целата Македонска православна црква – Свети Климент Охридски. По тој повод беше одржан свечен банкет со богата духовна и културна програма.
Прославата започна со настапот на црковниот хор под раководство на маестро Васко Петровски, којшто ја испеа македонската и канадската химна.
Гостите ги поздрави претседателката на црковната управа, госпоѓата Вера Белчевска, пригоден говор на вечерта подготви и свештеникот Илија Донев, a македонските сонародници беа поздравени и од Александра Стојкова, вице-конзул во Македонскиот Конзулат од Торонто.

 

 

 

<< Предходни 1 2 3 4 5 Следни >>