СВЕЧЕНО ОТВОРАЊЕ НА ЛИТЕРАТУРНОТО ДРУШТВО „ВАНЧО НИКОЛЕСКИ“

31.01.2017 година

Во Квимбијан

На 14 јануари 2017 година во просториите на црковната сала Св. Пророк Илија, во населбата Квимбијан, која е сместена веднаш до австралиската престолнина Канбера, се одржа свеченото отворање на Македонското литературно друштво и библиотеката кои го носи името на македонскиот детски песник и раскажувач Ванчо Николески. Уште во почетокот убаво е да напоменеме дека иницијатори за отворање на ова друштво се господата Наум Трајчески и Наум Пауноски, кои потекнуваат од охридските села Издеглавје и Куратица.

 

 

 

Отворање на Македонското литературно друштво и библиотеката

26.01.2017 година

На 14 јануари годинава во просториите на црковната сала Св. Пророк Илија, во населбата Квимбијан, која е сместена веднаш до австралиската престолнина Канбера, се одржа свеченото отворање на Македонското литературно друштво и библиотеката кои го носи името на македонскиот детски песник и раскажувач Ванчо Николески.
Уште во почетокот убаво е да напоменеме дека иницијатори за отворање на ова друштво се господата Наум Трајчески и Наум Пауноски, кои потекнуваат од охридските села Издеглавје и Куратица.


 

 

 

НАГРАДИ ЗА ГЛУМА АЛЕКСАНДАР МАКЕДОНСКИ ЗА 2016

20.12.2016 година

Во Сиднеј традиционална Гала Вечер:
НАГРАДИ ЗА ГЛУМА АЛЕКСАНДАР МАКЕДОНСКИ ЗА 2016

Минатата сабота, 17 декември во просториите на Civic Theatre во Хрствил (предградие на Сиднеј) се одржа Гала вечер посветена на театарската уметност при што се доделија престижните награди Александар Македонски. Гала вечерта официјално ја отвори амбасадорот на Република Македонија во Австралија, неговата екселенција Веле Трпевски. За најдобра актерка прогласена Валентина Апостоловска, а за најдобар актер Васко Србиновски.

Во еден убав на високо ниво амбиент и богата програма Австралиско македонскиот театар од Сиднеј по втор пат ја организира својата традиционална Гала вечер при што за присутните приреди забава, драмски изведби и го возвиши името на Александар Македонски со доделувањето на награди за глума и сценска уметност.

 

 

 

СООПШТЕНИЕ

19.12.2016 година


Австралиско македонскиот театар од Сиднеј во сабота 17 декември со почеток во 19 часот во просториите на Hurstville Civic Theatre, MacMahon Street, Hurstville ја организира традиционалната Гала вечер при што ќе се доделат награди за глума и театарска уметност под име Александар Македонски.
Наградите се поделени во следните категории, и тоа: Награда за најдобар дебитант; Награда за најдобра женска придружна улога; Награда за најдобра машка придружна улога; Награда за најдобра женска улога; Награда за најдобра машка улога; Награда по избор на публиката како и Награда за животно дело. Наградата Александар Македонски исто ќе им се додели и на индивидуалци и организации кои ја негуваат и промовираат македонската култура во Австралија.

 

 

 

Дедо Мраз, пак пристигна кај нас!

06.12.2016 година

Дедо Мраз, пак пристигна кај нас!
Со санка голема
и кенгури во прег,
ни пристигна тој,
иако нема снег...
Ѕвончиња, ѕвончиња
ѕвонат по цел пат,
еве го и Дедо Мраз
доаѓа кај нас ...
Во Сиднеј, се одржа традиционалниот годишен концерт за децата кои го изучуваат македонскиот јазик во училиштата во Нов Јужен Велс. Пред полна сала посетители, учениците пееја,играа и покажаа дел од знаењето што го научија на часовите по македонски јазик во текот на годината.
Масовно посетениот настан и оваа година го организираше Македонскиот просветно училишен одбор за НЈВ, а на него настапија училиштата во кои се изучува македонскиот јазик.

 

 

 

40 годишнината од формирањето на МЕУ „11Октомври“ од Јагуна

31.10.2016 година


Во Сиднеј се одржа Прославата на 40 годишнината од формирањето на МЕУ „11Октомври“ од Јагуна , како самостојно училиште во кое се изучува само македонскиот јазик и македонската култура.
Покрај многубројните ученици, родители, пријатели на македонскиот јазик и учители,на прославата присуствуваа и Претседателката на Македонскиот просветно училишен одбор за НЈВ, Госпоѓата Жаклина Михајлова, како и Госпоѓата Луција Џонс, потпретседател на Федерацијата за јазици на заедниците на НЈВ.

 

 

 

ИЗВЕСТУВАЊЕ

21.10.2016 година

Од денот на распишувањето на изборите до завршување на јавниот увид, државјаните на Република Македонија кои се на привремена работа или престој во странство можат да достават Пријава за гласање, своерачно потпишана или испратена по електронска пошта со која се пријавуваат за гласање на предвремените избори за пратеници во Собранието на Република Македонија до ДИК (член 50-а став 8 во врска со член 15 став 2).

Образецот –пријава за гласање, како и сите други информации во врска со гласањето може да ги најдете на интернет страната на ДИК односно на линкот

http://www.sec.mk/predvremeni-izbori-za-pratenici-2016/

 

 

 

ИЗВЕСТУВАЊЕ

19.10.2016 година

1.Ве известуваме дека Претседателот на Собранието на Република Македонија распиша предвремени избори за пратеници во Собранието на Република Македонија кои ќе се одржат на 11 декември 2016 година.
Во Дипломатско Конзуларните претставништва (ДКП) на Република Македонија во странство, гласањето ќе се одржи на 10 декември (сабота) 2016 година, согласно со сметањето на времето во соодветната земја.


2. Сите државјани на Република Македонија кои се на привремена работа или престој во странство се запишуваат во посебен Избирачки список. . Овие лица се запишуваат според нивното последно живеалиште во Република Македонија пред заминувањето во странство (член 41 став 5 од Изборниот законик-Сл.весник на РМ бр. 54/2011).

3. Државната изборна комисија преку Министерството за надворешни работи ги доставува до ДКП посебните изводи од Избирачкиот список за лицата на привремена работа или престој во странство врз основа на евиденција од надлежен орган, за ставање на јавен увид (член 49 став 2, во врска со член 15 став 2 од Изборниот законик).
Јавниот увид во посебниот избирачки список во ДКП започнува на 28 октомври и ќе трае до 11 ноември 2016 година до 24.00 часот.

4. Барањето за запишување, дополнување или бришење на податоците во посебните изводи од Избирачкиот список (член 50-а став 6 во врска со член 15 став 2 од Изборниот законик), за време на јавниот увид, државјаните на република Македонија кои се на привремена работа или престој во странство го поднесуваат по електронска пошта до ДИК, од 28 октомври до 11 ноември 2016 година, до 24,00 часот.
Барањето може да се поднесе во периодот од 28 октомври до 11 ноември 2016 година.

5. Од денот на распишувањето на изборите до завршување на јавниот увид, државјаните на Република Македонија кои се на привремена работа или престој во странство можат да достават Пријава за гласање, своерачно потпишана или испратена по електронска пошта со која се пријавуваат за гласање на предвремените избори за пратеници во Собранието на Република Македонија (член 50-а став 8 во врска со член 15 став 2).
Пријавата за гласање може да се поднесе во периодот од 18 октомври до 11 ноември 2016 година, до 24,00 часот.