Писмата испратете ги по  email       

 

СЕКОЈ ТЕКСТ Е ИСКЛУЧИВО СТАВ НА НЕГОВИОТ АВТОР И ТОЈ НЕ ГО ОДРАЗУВА СТАВОТ НА АГЕНЦИЈАТА ЗА ИСЕЛЕНИШТВО, КОЈА НЕ МОЖЕ ДА СЕ СМЕТА ЗА ОДГОВОРНА ЗА ИЗНЕСЕНИТЕ СТАВОВИ!

 

ИЛИНДЕНСКИ ПРАЗНУВАЊА

29.07.2014 година

Во Сиднеј :
ИЛИНДЕНСКИ ПРАЗНУВАЊА
111 години од Илинденското востание и 45 од формирањето на ФК Илинден од Рогдаел
Беше тоа точно пред 111 години, кога на Смилевскиот конгрес, поточно во куќата на земјоделецот Чуранов, се собрале 50-тина делегати од сите подрачја на Македонија. На конгресот бил избран револуционерен штаб од три членови на чело со Дамјан Груев. Вредно е да се напомене дека помеѓу присутните учествувале и Ѓорѓи Сугарев, Никола Петров, Христо Узунов, Иван Алабакот, Никола Карев и други прославени комитски војводи. На конгресот, и покрај неспремност во некои области, сепак решиле востанието да се дигне на 2-ри август на верскиот празник Св.Илија 1903 година. Нападот на Крушево бил извршен од 750 востаници, всушност со тоа било дадено на знаење дека Илинденското востание почнало. Востаниците со забрзани истрели успеале да го избркаат Сулејман Ефенди со неговите војници и официри, а со тоа набрзо ги ослободиле Крушево, Клисура, Смилево и неколку други места. Така е создадена Крушевската Република, прва од таков вид на Балканот, а за нејзин претседател бил назначен Никола Карев. Во Крушевската Република 10 дена се виореле знамињата на слободата. 10 дена слободното Крушево се веселело. 10 дена Крушевчани се радувале и меѓусебно си честитале. За тоа време ковачниците работеле без прекин, а околу градот се копале одбранбени појаси.Направени биле и 6 черешови топчиња и поставени на возвишените ридови. Канбаните постојано биеле.
Единаесетиот ден, Бахтијар паша со дваесет илјадниот аскер преку Прилеп и Кривогаштани се доближил до Крушевските висоравнини. Веднаш, преку своите гласници, побарал од востаниците да го фрлат оружјето и да се предадат. Поздравете го Бахтијар паша, дека само преку нашите мртви тела ќе влезе тој во градот! Им рекол на гласниците војводата Питу Гули. Песните на стотината момчиња на Питу екнале по Мечкин Камен. Тие момчиња не биле собрани по својата убавина, туку по јуначките свои срца кои требало да ги одмерат еден спрема педесет. На местото Грумење во Крушево биле испишани на црвена лента имињата Слобода, Братство, Еднаквост...
Во 10 часот утрото згрмеле плутоните од обете страни. Почнала борба на живот и смрт. Турците со навлегувањето во селата и во подрачјата на Крушево, почнале свирепо да се одмаздуваат. Ги палеле куќите, ги плачкале дуќаните, ги убивале сите луѓе од сите возрасти. Младите девојки ги силувале и така искрвавени ги убивале. Ѕверства имало на секој чекор. Било грозно да се биде сведок на еден таков настан. Турскиот аскер секаде каде минувал, оставал зад себе пепелишта, крв и солзи. Бахтијаровата желба била да се фати жив војводата Питу Гули, зашто тој бил најмаркантната личност на тоа востание. Гули, разулавен одмазднички стрелал од високата карпа и како тореадорски бик минувал низ турскиот мравјалник трасирајќи зад себе пат од трупови и исечени глави. Скапо ги коштала турците неговата кадрава глава. Неговиот труп последен паднал на ледините од Мечкин Камен, а неговите очи уште долго, дого гледале по македонските шуми и кон зачаденото Крушево.
Прославениот Назир паша, по убиствата на 1.000-та Албанци во Косово, токму нему му била доверена задачата за да ја смири разјарената востаничка побуна во Крушево и во многу други подрачја низ Македонија. Така, тој, зол фанатик, Турчин и Азијант, со својот 80.000 аскер, ќе постигне еден незавиден крволочен резултат. Тој за три месеци изгорел 122 села, односно пеплосал 12.500 куќи и обездомил 70.000 лица. Аскерлиите немале никаква милост ни кон децата, ни кон мајките и ни кон старците. Така, тие извршиле насилства на над 3.000 жени, а грабнале и потурчиле 176 девојки. Крајните борбени резултати броеле: 750 мртви востаници и 3.088 мртви турски аскери. И покрај сите причинети штети и жртви, Крушевските канбани далеку се слушнале. Се слушнале и подалеку од Европа. Светот во сите тогашни новини и списанија го читал името на Крушево, на Македонија и на нивната десетдневна слободна Република. И денеска Македонецот без разлика каде се наоѓа често се потсетува на јуначките подвизи и на животите дадени во Илинденското востание за ослободување на Македонија од 550 годишното Турско ропство. На свеченостите Илинденски, Македонецот ги потсетува младите генерации за двојните Илинденски настани од 1903-та - со Крушовската Република и од 1944-та - со Првото заседание на АСНОМ, кое се одржало во манастирот Прохор Пчински каде на Македонија и се даде право за рамноправна Федерална единица во Демократската Југо-федерација, со воведување на македонскиот јазик за официјален.
Поради значајните настани од Илинденската епопеја, македонскиот народ во Македонија и насекаде во светот, на достоен начин и се оддолжува со одржување на пригодни говори и свечености на кои се евоцираат спомени за борбената храброст на паднатите комити и партизани во двете најкрвави војни на македонскиот народ во неговата понова историја.

 

 

 

Ви благодариме

13.07.2014 година

Агенција за иселеништво на Македонија
Васил Наумов
Директор


Почитувани Г-дин Наумов,


Од мое лично име и од името на членовите на нашата театарска група би сакале да Ви се заблагодариме како Вас така и на вашиот персонал во Агенцијата за иселеништво, посебно на Биљана Костова, на вашето гостопримство во Скопје и Штип, организирање на нашата турнеја и можноста да настапиме во културните центри и драмските театри во Скопје, Велес, Штип, Струмица, Прилеп, Битола и Охрид. Покрај организирањето на турнејата, транспортот и сместувањето, печатениот рекламен материјал и контактите со соодветната медиа беа од огромно значење за успехот на нашата турнеја. Целиот Ваш персонал, поготово оние кои беа во контакт со нас, ни ја дадоа потребната подршка и за тоа ви сме многу благодарни.

Посебно би сакале да и се заблагодариме и истакнеме дека Биљана Костова се појави како голем организатор, секогаш пристапна, со голем интузијазам и работна етичност. Нејзиниот приод кон нашата турнеја секогаш беше позитивен исполнет со свежина и љубов кон она што ние сите го работиме за доброто на македонската нација.

Се надеваме дека публиката беше задоволна од преставите како што и ние од средбите понесовме големи впечатоци на кои трајно ќе се сеќаваме. Спрема податоците што ни беа дадени од самите театри, преставата беше гледана повеќе од 1600 гледачи. Исто така ДВД им понудивме на сите ТВ канали (11) во горенаведените градови на кои им дадовме право истата да ја прикажат. Досега имаме дадено 18 престави и можеме слободно да го потврдиме тоа дека ова е најгледана македонска драма во дијаспората.

Уште еднаш, Ви благодариме на вашата помош и разбирање.

Со особена почит,


Душан Ристевски

 

 

 

Вечна светлина над Македонија

13.07.2014 година

Книгата Вечна светлина над Македонија конечно пристигна и во Австралија....благодарност на Агенцијата за Иселеништво на Македонија и членовите на Љубители на литература, култура и наука Св Висарион...The new book arrived in Australia, thanks to Emigration Agency of Macedonia.......Искрените Македонци успешно доследно работаат за доброто на Македонија без разлика во кој дел од светот живеат. Жртвувајќи се себе си и посветувајќи и време и пари, за македонските светлини. Се одрекуваат од своите лични задоволства, со денови, месеци, години и децении,како искрени македонисти работаат за Македонија.Благодарение на такви доследни личности со цврста македонска свест, со македонски код ја афирмираме Македонија во светот. А на младата генерација и го откриваме патот како се сака и како се бори за Македонија.

 

 

 

ДИЈАСПОРАТА ПРОТИВ ЗАЕДНИЧКА ПРОСЛАВА НА ИЛИНДЕНСКОТО ВОСТАНИЕ СО БУГАРИЈА

02.07.2014 година

Во Мелбурн се одржа отворено собрание со претставници на македонските организации во Социјалниот клуб на Престон Македонија против најавата на повеќе македонски институции, академици, научници, историчари и новинари за заедничка прослава со Бугарија на македонскиот национален и државотворен празник на Република Македонија - Илинден. Ораганизатори на состанокот беа:

Федерацијата на културно уметничките друштва од Викторија
Македонско - Австралиска заедница на организации
Егејски совет на Македонците од Викторија
Федерација на Македонските пензионерски организации од Викторија

На Собранието се донесе Резолуција и се испрате до:

Владата на Р. Македонија
Претседателот на Р. Македонија, г. Ѓорѓе Иванов
Собрание на Р. Македонија
МАНУ
МПЦ - ОА
Политичките партии СДСМ, ГРОМ, Алијанса за граѓанска Македонија и Достоинство
Агенција за иселеништво
Медиумите на Македонија и македонската јвност ширум светот

 

 

 

ЖИВОТОТ ПОМИНАТ ВО ИГРАЊЕ ШАХ

02.07.2014 година


Димитар Мојановски неодамна беше награден за најголем читател на книги во Библиотеката Григор Прличев при истоименото Литературно друштво во Сиднеј. Поводот на разговорот беше токму неговата долгорочна љубов со шаховската табла која отпочна од своето родно Чаништа да продолжи како војник во ЈНА потоа гастајберство во Австрија и печалбарство во Австралија.
Димитар е роден во Чаништа и уште од своите млади години го напушти селото како и многут други младинци во 60-тите години за да си ја бара среќата во западно-европските држави. Во Австрија работеше на бродовите на Дунав па после преселбата во Австралија во 1971 год. некое време помина во Ливницата на железо во Порт Кембла за потоа да се пресели во Сиднеј и да се вработи во државното водостопанство а повеќе од 30 години работеше како возач на автобус. Се ожени за Симјанка од Крушејца и е татко на две ќерки и еден син кои се сите родени и живеат со своите семејства во Австралија.
Димитар, со преселувањето во Австралија слободното време, иако не знаеше англиски, го користеше во дружење со познати австралиски шахисти и членување во клубови. Бидејќи беше искрено и неизмерно заљубен во шахот, одеше на шаховски турнири во повеќе градови во Австралија. Мојановски не само што се бореше на шаховската табла тој беше и главниот организатор во организирање на шаховски турнири во првиот македонски шаховски клуб кој прво започна да функционира токму во Литературното друштво за да продолжи во просториите на Црквата Св Петка во Рогдаел под името Македонски шаховски клуб Илинден. На повеќе турнеи самиот клуб и тој лично освојувале прво, второ и трето место, а најповеќе му значеше групното играње со познатиот руски шахиста Карпов кој беше еден од 72-те играчи.
Сега Мојановски своите пензионерски денови ги поминува во читање книги и играње шах на интернет и локалниот шаховски клуб во Сиднеј.
Душан Ристевски

 

 

 

Примена на македонскиот фолклор во мултикултурна, мултиетничка Австралија

02.07.2014 година


Поради поголема прегледност за дел од влијанијата на македонската култура, преку богатата ризница на фолклорот и народните песни ќе прикажам дел од активноста на фолклорната група од Нуса, Квинсленд, Австралија. За таа цел ќе ја користам мојата статија од Грејп Вајн-Винова Лоза, публикувана на англиски јазик во врска со свечено одбележаната прослава од 20 годишната плодна активност на Нуса интернационална фолклорна група на 10 мај 2014 година.


Учесниците на 20 годишната прослава во Тимбирва, Нуса, Квинсленд
Свечено прославена 20 годишнината на Нуса меѓународна фолклорна група во 2014
Во свечено украсената сала на општината Тимбирва, близу Тивонтин и Нуса, во Квинсленд на 10 мај 2014 година од 13-17 часот се одржа прослава за 20 годишнината од основањето на Нуса меѓународна фолклорна група, во организација и раководство на основачот на групата, инструкторката и кореографка г-ѓа Дени Макензи.

Дени Макензи, во средина, отпочна со приказ и обучавање на учесниците, со едно ново оро-танц од својот богат репертуар
Покрај дел од членството, како гости, присуствуваа фолклористи од фолклорната група Мандела од блиското градче Намбо и пријатели на фолклорот од Бризбен, Нов Јужен Велс и други места. На прославата присуствуваа повеќе од 50 фолклористи. Наизменично, Дени ги одбираше танците и ората, ги обучуваше учесниците и при целосната нивна изведба ги вклучуваше прекрасните песни на различни јазици од народи од Источна Европа и Балканскиот Полуостров. Во придружба на игрите беше пријатно да се слушаат разновидни национални музички инстументи.
При играњето инструкторката Макензи со големо задоволство даваше можност на своите избрани инструкторки да настапуваат со обука и изведување на свои кореографии кои ги играа сите присутни. Инструктори беа Лорејн од Нембо Мандела, Анита од Бризбен и Аника од Нуса, с до 17 часот, со пауза на половина час за освежување и закуска со домашни специјалитети, слатки и сенвичи, со чај и кафе, што домаќинките ги зготвиле. Исто така, на свеченоста со соло настап, Ерика изведе Џипси танц, а инструкторката, гостинка од Вулонгонг, Нов Јужен Велс, изведе Скотиш танц.

Во Шкотланџанскиот масовен танц, играат и Јанко и Маргарет
Продолжува
Јанко ТОМОВ

 

 

 

Честитка

23.04.2014 година

Ја имаа таа чест и осебено мие задоволство што од мое лично име, од името на Комитетот на Македонскиот Културен Центар Илинден, од името на сите наши членови, симпатизери и супоретери на сите Вас вработени во Агенцијата за иселеништво при владата на Република Македонија, Ви го честитам големиот Христијански празник и ви посакам благословени и срекни Велигденски празници, на сите Вас ви упатуваме нај искрени честитки и ви посакуваме многу радост срека и духовен мир како на Вас така и на Вашите семејства.
Воскресението Христово Велигден е празник на недвобојна верба, празник на исконска љубов кон Бога и кон лугето, празник на радоста и добрината, Велигден е ден кој го осветлува нашето минато, ја прави јасна нашата сегашност и го покажува патот нан ашата иднина, токму затоа да му се радуваме на Воскресението Христово и да го прославиме овај голем Христиански празник во духот нан ашата религија.
РИСТОС ВОСКРЕСНА

Од името на МКЦ Илинден
Перт Западна Австралија

Секретар

Трајче Т.ТРАЈКОВСКИ

 

 

 

Почитувани дами и господа,

09.04.2014 година


На претстојните избори за Совет и градоначалник на Општина Дсселдорф на 25. Мај 2014 год., главен град на федералната држава Северна Рајна Вестфалија во С.Р. Германија, се избира за прв пат посебно тело кое ке ги претставува интересите на граганите со мигрантско потекло, Советот за интеграции.

Него го сочинуваат десет членови кои се бираат преку листи и девет членови кои се редовни членови на градскиот Совет.

За прв пат локалната секција на партијата на Сојузот 90/Зелените (Бнднис 90/Дие Грнен) од Дсселдорф кандидира сопствена 'Зелена отворена мегународна листа' со седум кандидатки и кандидати по потекло од Македонија, Полска, Италија и Иран.

Претставникот на Обединетата Македонска Дијаспора во Германија за Штуттгарт, Гоце Пероски, е избран на првото место на 'Зелената отворена мегународна листа', што претставува значаен успех и голема веројатност дека ке биде избран во Советот за интеграции.

'За мене ова претставува голема чест и задоволство. После 100-те потписи што требаше да ги собереме како поддршка на нашата листа од страна на граганите со мигрантско потекло во Дсселдорф, сега претстојува фазата кога треба да ги убедиме да гласаат за нашите идеи и за нашата листа, затоа што нудиме ефикасни концепти и решенија за понатомошното успешно интегрирање и прифакање на граганите со мигрантско потекло во Дсселдорф!'

Гоце Пероски е филолог по вокација и работи во ЦИВИЦ-Институт за мегународна едкуација во Дсселдорф, кој мегу друго изведува образовни проекти за поддршка на земјите од Балканот, вклучувајки ја и Македонија. Неговите родители се иселеници од Македонија.

На шестото место на листата кандидатка е Џеваире Јусуфи. Нејзините родители исто така се иселеници од Македонија и припадници на албанската заедница од Македонија. Таа неколку години е член на претседателството на локалната секција на Младите Зелени во Дсселдорф.

Во Дсселдорф живеат 4.951 грагани по потекло од Македонија. Со тоа, македонската заедница во Дсселдорф е на десетто место по бројност и претставува 2,3% од вкупниот број на грагани со мигрантско потекло во градот, што е значителна бројка.

Во прилог подолу препратено е оригиналното соопштение на локалната секција на Сојузот 90/Зелените од Дсселдорф околу изборот за Советот за интеграции.


Ви благодарам за вашето внимание и вашата поддршка.

Со почит,
Игор Данајловски
УМД Регионал Репресентативе Дсселдорф